Интернациональ яҙыусылар союзы идараһы рәйесе Александр Гриценко танылған яҙыусы-сатирик Марсель Сәлимовҡа Берләшкән Милләттәр Ойошмаһының мәғариф, фән һәм мәҙәниәт буйынса (ЮНЕСКО) һәм Адам Мицкевич исемендәге Интернациональ яҙыусылар союзы миҙалын тапшырҙы.

«Российский колокол» журналы ошо халыҡ-ара бүләк менән билдәләнгән авторҙарҙың әҫәрҙәренән махсус альманах сығарасаҡ. Уның тиражы ЮНЕСКО ойошмаһы буйынса мәҙәниәт, фән һәм мәғариф учреждениеларына ебәреләсәк.

Марсель Сәлимовтың «Бумажный ранет» йыйынтығында баҫылған «Поверин» хикәйәһе авторға Бөтә Рәсәй әҙәбиәт конкурсында еңеү алып килде.