Күренекле башҡорт яҙыусыhы, драматург, журналист һәм публицист, Башҡортостан Республикаhының Салауат Юлаев исемендәге Дәүләт премияhы лауреаты Сәғит Мифтаховтың тыуыуына 105 йыл. Сәғит Мифтахов Нуриман районы Ҡыҙыл Яр ауылында 1907 йылдың 10 ғинуарында донъяға килә. Өфөлә уҡытыусылар курсын һәм Стәрлетамаҡта партия мәктәбен тамамлап, мәктәптәрҙә йәмғиәт фәне буйынса белем бирә, сәнғәт техникумы директоры вазифаһын башҡара, «Ҡыҙыл Баймаҡ» газетаһының редакторы була. 1935 йылда Башҡорт академия һәм Рус драма театрҙарының директоры вазифаһына тәғәйенләнә. Бөйөк Ватан һуғышының тәүге көндәренән үҙ теләге менән яуға китә. 1942 йылда фронтта батырҙарса һәләк була. Сәғит Мифтахов- «Пандар илендә», «Дуҫлыҡ һәм мөхәббәт», «Һаҡмар», «Зимагорҙар», «Ялан ҡыҙы» драмалары авторы. «Башҡортостандың мәҙәни донъяһы» порталы