Ошо көндәрҙә күренекле башҡорт ғалимы, әҙәбиәт белгесе, яҙыусы һәм уҡытыусы Ким Әхмәтйәновҡа 80 йәш тулыр ине. 

Ким Әбүзәр улы 1932 йылдың 5 февралендә Әбйәлил районының Әлмөхәмәт ауылында тыуған.Тыуған ауылында ете йыллыҡ мәктәпте тамамлағандан һуң уҡыуын Темәс педагогия училищеһында дауам итә, Башҡорт дәүләт педагогия институтын тамамлай, һуңынан Рәсәй Фәндәр академияһы Өфө ғилми үҙәгенең Тарих, тел һәм әҙәбиәт институтына эшкә урынлаша. Уҙған быуаттың 50-се йылдары аҙағынан башкөллө әҙәбиәт ғилеме өлкәһенә сума, бер үк ваҡытта тәнҡит йүнәлешендә лә әүҙем эшләй. 

Салауат Юлаев исемендәге дәүләт премияһы лауреаты Ким Әхмәтйәновтың «Әҙәбиәт теорияһы», «Башҡорт поэмаһының композиция мәсьәләләре», «Ғ. Сәләм. Тормошо һәм ижады» китаптары киң ҡатлам уҡыусыларға яҡшы таныш.

«Башҡортостандың мәҙәни донъяһы»