Милләтебеҙ балҡышы Илдар Абдразаҡов 2011/12 йыл сезонында «Алтын битлек» («Золотая маска») милли театраль премияға лайыҡ булды. Ул «Опера/Ир-егет роле» номинацияһында еңеү яуланы.

З.Исмәғилев исемендәге Өфө сәнғәт академияһы уҡыусыһы, Мариин театры солисы, Башҡортостандың халыҡ артисы был престижлы премияға Ж.Оффенбахтың «Сказки Гофмана» операһында тыуҙырған роле өсөн лайыҡ булды.

«Алтын битлек» милли театраль премияһы Рәсәйҙең Театр эшмәкәрҙәре берлеге тарафынан 1994 йылда булдырылды һәм ул театр сәнғәтенең бөтә жанрҙарына ла бирелә. 

Илдарҙы ҡотлайбыҙ һәм яуланасаҡ үрҙәрҙең һуңғыһы булмаһын тип теләйбеҙ! Афарин, Илдар!