«Башҡорт энциклопедияһы» ғилми-нәшриәт комплексы тарафынан сираттағы энциклопедия - «Башҡортостан халыҡтары» донъя күрҙе. Ғилми баҫма Башҡортостан Республикаһында йәшәүсе халыҡтарға арнала. Милләттәрҙең тарихы, уларҙың һаны, теле, мәҙәниәте хаҡында ентекле мәҡәләләр табырға була. Энциклопедия иллюстрацияға бик бай.

«Башҡортостан халыҡтары»н әҙерләүҙә республика ғалимдарының һәм нәшриәт хеҙмәткәрҙәренең роле баһалап бөткөһөҙ. Нәшриәттең сираттағы ҙур эше уҙ уҡыусыһын табырына шикләнмәйбеҙ.