БР Милли музейында Бөйөк Ватан һуғышына арналған ике күргәҙмә үҙ эшен башлай.

«Еңеү һалдаттары» тип аталған күргәҙмәлә музей фондынан алынған экспонаттар – һалдаттарҙың документтары, ордендары, һуғыш ҡоралдары, дошмандан һаҡланыу ҡорамалары, шәхси һәм трофей әйберҙәр ҡуйыласаҡ. 

Икенсе күргәҙмәне Альфа-Банк «Комсомольская газета» менән берлектә Рәсәй дәүләт үҙәк хәҙерге заман тарихы музейы ярҙамында ойоштора. «Һуғыш плакаттары. Бөйөк Еңеү юлы» күргәҙмәһендә сканерҙан үткәрелгән төҫлө форматтағы һуғыш йылдары плакаттары урын аласаҡ, уларҙа тарихи мәғлүмәттәр ҙә табып буласаҡ.

Рәхим итегеҙ!