Яңы йыл байрамы - тылсым байрамы, матурлыҡҡа, мөғжизәгә ышаныу байрамы. М. Ғафури исемендәге Башҡорт дәүләт академия театры һеҙҙең өсөн ысын мөғжизә, ҙур сюрприздар әҙерләгән.
23 декабрҙән театр, Р. Киплинг әҫәре буйынса «Маугли» әкиәте премьераһын тәҡдим итә. Әкиәттә ҡунаҡта йомарт клоундар, «Ҡыҙыҡлы шарҙар» («Смешарики»), «Маугли» йәнһүрәттәре геройҙары һеҙҙе көтә.
23, 26-29 декабрҙә «Маугли» спектакле премьераһы,
24-25 декабрҙә «Буратино» спектакле,
Ә шыршы эргәһендәге яңы йыл әкиәте «Ҡыҙыҡлы шарҙарҙың Ҡыш бабайға сәйәхәте» тип атала, һәм тамашалар ҡышҡы каникулдар осоронда, 9 ғинуарға тиклем дауам итәсәк.
Сағыу байрам декорациялары Яңы йыл кәйефе өҫтәр, ә Ҡыш Бабай менән Ҡарһылыу мотлаҡ кәрәкле сәғәттә килеп етерҙәр һәм байрам минуттарын бүләк итерҙәр.
Байрамдарығыҙ матур, күңелле үтһен!
«Башҡортостандың мәҙәни донъяһы» порталы