Зәйнәб Биишева исемендәге «Китап» нәшриәтендә сценарист, прозаик һәм драматург Шәүрә Шәкүрованың «Пусть ветер унесет мои слова» тип аталған китабы донъя күрҙе. Унда авторҙың роман, повесть һәм хикәйәләре урын алған.

«Ел һүҙҙәремде алып китһен» («Пусть ветер унесет мои слова») романы «Саҡ менән Суҡ» билдәле башҡорт бәйетенә мотивтарына нигеҙләнеп яҙылған. Әйткәндәй, Шәүрә Рәшит ҡыҙы тәүҙә ҡыҫҡа метражлы фильм өсөн сценарий яҙа, ә һуңынан уны романға тиклем үҫтерә. Йәш режиссер Айнур Асҡаров был әҫәр буйынса фильм төшөрөргә йыйына. Картина БР Президенты гранты ярҙамында төшөрөләсәк. Әлеге көндә актерҙар һайлау эше бара.

Шулай уҡ йыйынтыҡта төрлө темаларҙы яҡтырҡан әҫәрҙәр баҫылған. Уҡыусыға ҡыҙыҡлы булыр тип уйлайбыҙ. Нәшриәт кибетенә рәхим итегеҙ!