Зәйнәб Биишева исемендәге «Китап» нәшриәтендә билдәле дәүләт эшмәкәре Зыя Нуриевтың тыуыуына 100 тулыу айҡанлы «Зыя Нуриев» тип аталған альбом форматындағы китап сыҡты.

Баҫманың беренсе өлөшөндә шәхестең тормош юлы, эшмәкәрлеге хаҡында үҙенең хәтирәләре урынлашһа, икенсе өлөштә Зыя Нуриевтың замандаштарының, коллегаларының, журналистарҙың сәйәсмән хаҡында төрлө мәҡәләләре бирелгән.

Китаптың исем туйы 23 март 15.00 сәғәттә Мәжит Ғафури исемендәге Башҡорт дәүләт академия драма театрында үтә.