Башҡортостан яҙыусылар берлегендә Учалы районынан тирә-яҡты өйрәнеүсе Спартак Ильясовтың «Ҡолой кантон» тип аталған китабының исем туйы үтте. Автор үҙ хеҙмәтендә халҡыбыҙ тарихында быға тиклем билдәле булмаған хәл-ваҡиғаларҙы сағылдыра.

«Ҡолой кантон» китабына башҡорттарҙың боронғо яу юлдарын, илбаҫарҙар менән көрәшен һүрәтләгән повестар ингән. Ҡолой кантонды дөрөҫ булмаған идеология арҡаһында һәр ваҡыт яманлап күрһәтәләр. Ғәмәлдә ул - үҙ халҡы ирке өсөн көрәшкән шәхестәрҙең береһе, ти Спартак Ильясов. Әйткәндәй, декабрь башында Спартак ағай оло юбилейын билдәләй.