БР Милли музейында «Ағиҙел» Башҡорт сәнғәт кәсептәре» рәссамдарының һәм оҫталарының эштәренән торған күргәҙмә асылды. Экспозиция ойошманың 50 йыллығына арнала.

Генераль директор Зөһрә Исмәғилева әйтеүенсә, күргәҙмә ижади ойошманың яңы технологиялар ҡулланып эшләнгән эштәрен халыҡ араһына сығарыу һәм танытыу маҡсатынан ойошторолған. Бер ниндәй ҙә ҡыйынлыҡтарға ҡарамай, «Ағиҙел» уңышлы эшләй. Бөгөнгө көндә штатта 200 кеше иҫәпләнә, йәш рәссамдарҙы теләп эшкә алабыҙ, ти ул.

Күргәҙмә ике йүнәлештән – автор һәм йомшаҡ төркөмгә ҡараған эштәрҙән тора. Әйткәндәй, сәнғәт өлгөләрен сит ил ҡунаҡтарына бүләк итеү бик уңайлы.

Күргәҙмәгә рәхим итегеҙ!