Яңы әҙәби конкурс иғлан ителде
Зәйнәб Биишева исемендәге «Китап» нәшриәте «Яңы офоҡтар» тип аталған республика әҙәби конкурсын уҙғара. Конкурс БР Президентының мәҙәниәт һәм сәнғәт өлкәһендә бирелгән Гранты ярҙамында бойомға ашырыла.
Маҡсаты: үҙҙәренең ижадында йәштәрҙең проблемаһын күтәргән авторҙарҙы табыу һәм дәртләндереү; йәш авторҙарҙың ижади потенциалын үҫтереү, уларҙы әҙәбиәткә ылыҡтырыу.
Конкурсҡа «Хәҙерге йәмғиәттә йәштәрҙең тормошо» темаһына эштәр ҡабул ителә. Унда 45 йәшкә тиклемге авторҙар ҡатнаша ала. Эштәр 2015 йылдың 1 авгусынан 1 октябргә тиклем ҡабул ителә. Шул уҡ йылдың декабрь айында йомғаҡлау яһаласаҡ.
Эштәрҙе түбәндәге адрес буйынса ебәрергә: Өфө ҡ., Октябрь проспекты, 2 («Конкурсҡа» тигән билдә менән ебәреү кәрәк). Белешмә өсөн телефон: 8(347)223-88-38. Тулыраҡ мәғлүмәтте нәшриәттең сайтында табырға мөмкин.
