18 —19 ноябрҙә, «Нефтсе» мәҙәниәт һарайында, «Юлдаш йыры» республика фестиваль-конкурсының гала-концерты уҙасаҡ.

«Юлдаш йыры конкурсы тәүге тапҡыр һәләтен күрһәтергә теләүселәргә оло сәхнәгә күтәрелеү мөмкинлеге бирә. Быйылғы сара “Юлдаш” радиоһының эфир киңлектәренә сығыуына 11 йыл тулыу уңайынан ойошторола. Бәйге икенсе йыл ғына уҙғарылыуға ҡарамаҫтан, халыҡ араһында ҙур хуплау табып өлгөрҙө.

Фестиваль-конкурстың маҡсаты – Башҡортостанда ғына түгел, унан ситтә йәшәүсе башҡорт һәм татар башҡарыусылары араһынан таланттарҙы эҙләү, тамашасыларға күңелле байрам ойоштороу, йыр сәнғәтен артабан үҫтереү.

Конкурсанттарҙың иң йәшенә –16, иң олоһона – 60 йәш.

Шулай уҡ концертта башҡорт-татар эстрадаһы йондоҙҙарының сығыштары көтөлә.

«Башҡортостандың мәҙәниәт донъяһы» порталы