«Юлдаш» мәғлүмәт һәм йыр-моң каналы хеҙмәткәрҙәре йәнә радиотыңлаусылары менән осрашты. Белем көнө уңайынан ойошторолған акция Салауат Юлаев һәйкәле янындағы майҙанда үтте, бындай сара «юлдаш»тар тарафынан туғынсы тапҡыр үткәрелә.

Башҡорт эстрадаһы йондоҙҙары ҡатнашлығында уҙған программа байрамға килгән һәр кемдең күңеленә хуш килде. Хатта көндөң болоҡһоп тороуы ла тамашаның йәмен боҙманы. Байрам йәйге каникулдарҙан һуң белемгә һыуһап килгән студенттар, дуҫтар осрашыуына әүерелде. Байрамда йыр-моң күңелле уйындарға үрелеп барҙы. Еңеүселәрҙе бағыусылар бүләкләне. Йылдан-йыл Юлдаштың дуҫтары арта.

«Юлдаш» мәғлүмәт һәм йыр-моң каналының тормоштағы һәр күренешкә, һәр ваҡиғаға үҙ ҡарашы бар. «Беҙ бергә» акцияһы ла быға сыҡ миҫал. Белем көнө айҡанлы оло байрам ойоштороп, Юлдаш каналы тыңлаусыларға тоғролоғон тағы ла бер ҡабат иҫбатланы.

Сығанаҡ: Башҡортостан юлдаш телевидениеһы