Бөгөн "Юлдаш" каналы хеҙмәткәрҙәре Пермь крайы Барҙа районында радио тыңлаусылар менән осраша. 

Күптән түгел был төбәктә лә "Юлдаш" радиоһын тыңлай башланылар. Республиканан ситтә йәшәгән милләттәштәр менән төрлө өлкәләрҙә тығыҙ бәйләнештәр булдырыу, Башҡортостан дәүләт сәйәсәтендә мөһим урын алып тора. Республика етәксеһе Рөстәм Хәмитов Дәүләт Йыйылышы - Ҡоролтайға мөрәжәғәтнамәһендә лә тарихи тамырҙарҙы һаҡлау ҡалыу әһәмиәтен билдәләне. "Юлдаш" радиоһын хәҙер Силәбе, Ҡурган, Ырымбур һәм Һамар өлкәләрендә йәшәүселәр милләттәштәребеҙ ҙә тыңлай.