Зилә һәм Хәсән Усмановтар башҡорт эстрадаһында танылыу яулаған артистар, үҙҙәренең моңло йырҙары, яғымлы тауыштары менән улар күптән тамашасы күңеленә юл тапҡан. Хәсән Усманов – Ш.Бабич исемендәге дәүләт премияһы, «Урал моңо», «Ирәндек моңдары» кеүек конкурстар лауреаты. Ижади парҙың репертуарында ретро, халыҡ, эстрада йырҙары.

Тамашасы матур йырҙарҙан тыш, Хәсән һәм Зиләнең ижади дуҫтары башҡарыуында ҡурай моңдарын тыңлап, дәртле бейеүҙәр ҡарап илһам аласаҡ.

Концерт 12 апрель Силәбе ҡалаһының «Импульс» ял итеү үҙәгендә, шулай уҡ Арғаяш, Ҡоншаҡ, Сыбаркүл райондарында һәм Мейәс ҡалаһында үтә.

Автор: М.Хәбиров