Рәсәй Президенты Владимир Путиндың Указы менән Заһир Исмәғилев исемендәге Өфө дәүләт сәнғәт академияһы профессоры Миләүшә Ғәли ҡыҙы Мортазина 2 дәрәжә «Ватан алдында ҡаҙаныштары» өсөн ордены менән бүләкләнде.

Указда билдәләнеүенсә, абруйлы наградаға Миләүшә Ғәли ҡыҙы ил мәҙәниәте һәм сәнғәтен үҫтереүгә тос өлөш индергәне, күп йыллыҡ тырыш хеҙмәте өсөн лайыҡ булды.

Миләүшә Мортазина — бөтә республиканың профессиональ йырсы мәктәбенең академик маркаһы. Радик Гәрәев, Иҙрис Ғәзиев, Асҡар һәм Илдар Абдразаҡовтар, Владимир Белов, Вячеслав Храмов, Вәхит Хызыров, Хәмит Ижболдин, Рәил Кучуков — был Миләүшә Ғәли ҡыҙы төрлө йылдарҙа сығарған арҙаҡлы уҡыусылар төркөмөнән билдәле йырсыларҙың ҡыҫҡаса ғына исемлеге. Төрлө опера театрҙары сәхнәләрендә танылып өлгөргән «мортазинсылар» үҙ педагогтарын онотмай. 

«Башҡортостандың мәҙәни донъяһы» порталы