«Зөбәржәт ҡала тылсымсыһы», Ҡыш бабай һәм Ҡарһылыу

«Зөбәржәт ҡала тылсымсыһы», Ҡыш бабай һәм Ҡарһылыу
М. Ғафури исемендәге Башҡор академия драма театры һәр миҙгелдә кескәй тамашасылар өсөн Яңы йыл байрамы ойоштора. Шыршы тирәләй Ҡыш бабай һәм Ҡарһылыу, төрлө әкиәт геройҙары менән осрашыу балаларҙың көтөп алған тамашаһы. Ә иң мөһиме, сәхнәлә кескәйҙәрҙе Яңы йыл әкиәте көтә. Был юлы балаларға А. Волковтың «Зөбәржәт ҡала тылсымсыһы» (Волшебник изумрудного города) тигән әҫәре буйынса спектакль тәҡдим ителә. Режиссеры Илсур Ҡаҙаҡбаев. «Зөбәржәт ҡала тылсымсыһы» бәләкәстәр (6+) өсөн ысын мәғәнәһендә яңылыҡ! Спектаклдең сәхнә биҙәлеше үҙе ни тора! (Рәссамы - Альберт Нестеров). Мультипликация, заманса тауыш һәм яҡтылыҡ эффекты, сағыу костюмдар, актерҙарҙың сәхнәнән бөркөлгән ихласлығы, эскерһеҙ уйыны, дәртле музыка (композиторы - Урал Иҙелбаев) йыр һәм бейеүҙәр, персонаждарҙың тамашасы менән аралашыуы – барыһы - барыһы ла хас әкиәттәгесә, тылсымлы, мөғжизәле! Шуны ла әйтәйек, «Зөбәржәт ҡала тылсымсыһы»нда тәрбиәүи һүҙ бөгөнгө тиктормаҫ кескәйҙәр үҙҙәре аңлап һығымта яһарлыҡ, ауыҙ асып ҡарарлыҡ кимәлдәге уйын аша бирелә. Спектаклдең хореографы - Бөтә Рәсәй заман бейеүҙәрен ҡуйыусылар конкурстары лауреаты Ю.Андриянов, мультипликатор- Р.Шәрәфетдинов. Әкиәттә бик күп геройҙар ҡатнаша. Спектакль рус һәм башҡорт телдәрендә уйнала. Балалар өсөн Яңы йыл тамашалары: 23 -30 декабрҙә (10.30, 13.00, 15.30 сәғ.), 3-5 ғинуарҙа (10.30, 13.00, 15.30 сәғ.), 6-10 ғинуар(10.30, 13.00 сәғ.) көндәрендә була. Күңелле мәлдәр, шатлыҡлы көндәр һеҙгә, бәләкәстәр һәм ата-әсәләр!

 

«Башҡортостандың мәҙәни донъяһы» интернет-порталы дәүләт телдәре булған башҡорт һәм рус телдәренән тыш, инглиз телендә лә Башҡортостандың мәҙәниәте һәм сәнғәте хаҡында бөтә донъяға бәйән иткән мәғлүмәт сараһы.

© 2016 All Rights Reserved. Designed By HunterWeb.ru

Редакция менән бәйләнеш

E-mail: kmb.rb@yandex.ru

Материалдарҙан күсермә һәм өҙөмтә алған осраҡта порталға һылтанма эшләү мотлаҡ.

 

Разработка сайта - HunterWeb