Башҡортостандың халыҡ, Рәсәйҙең атҡаҙанған артисы, Республиканың Салауат Юлаев исемендәге Дәүләт премияһы лауреаты, ҡурайсы, актер һәм педагог Ғата Сөләймәновтың тыуыуына 100 йыл. Ошо уңайҙан Республикала төрлө саралар уҙғарыла. Сираттағыһы ноябрь аҙаҡтарында буласаҡ. Өфөлә әле башҡорт милли музыка ҡоралдарында уйнаусыларҙың республика бәйгеһенә әҙерлек бара. Унда урта махсус уҡыу йорттарынан ҡурайсылар, думбырасылар, ҡыл-ҡумыҙ оҫталары ҡатнашасаҡ. Бәйге Заһир Исмәғилев исемендәге Өфө дәүләт сәнғәт академияһында 30 ноябрҙә үтә, ә беренсе декабрҙә ошонда уҡ милли уйын ҡоралдары темаһы буйынса ғилми- ғәмәли конференция уҙғарыла.