Билдәле ғалим, башҡорт әҙәби теленә нигеҙ һалыусыларҙың береһе Ғәббәс Дәүләтшиндың тыуыуына 120 йыл. Бөгөн ошо уңайҙан Башҡорт дәүләт университетында хәҙерге төрки филологияһының көнүҙәк мәсьәләренә арналған Бөтә Рәсәй ғилми-ғәмәли конференция үтә.

Ғәббәс Дәүләтшиндың 120 йыллығын уҙғарыу тураһында Республика Хөкүмәтенең махсус күрһәтмәһе бар.Ғалимдың вариҫы - хаҡлы ялдағы уҡытыусы Мәрғүбә Сынбулатова төрлө архивтарҙа эҙләнеп, Ғәбәс Дәүләтшин тураһында материалдар туплаған. Бөгөнгө конференцияла әҙипкә, уның эшмәкәрлегенә арнап китап сығарыу тураһында ҡарар ҡабул ителһә, баҫма нәшриәткә тапшырыласаҡ.