Ғәзиз Әлмөхәмәтов исемендәге республика гимназия-интернатында тантана үтте

Белем усағы бишенсе синыфҡа килгән уҡыусыларҙы гимназия сафына ҡабул итте.

Быйыл бында, өҫтәмә рәүештә ике синыф асылған. Уларҙа 40 яҡын уҡыусы белем ала. Район-ҡалаларҙан килгән балалар өсөн уҡыу йылы башында уҡ гимназия икенсе тыуған йортҡа әйләнде, тип әйтергә мөмкин, тип билдәләй уҡытыусы, тәрбиәселәр. Тантана сағыу тамаша менән үрелеп барҙы. Талантлы уҡыусылар гимназия сафына ҡабул ителеүе менә сикһеҙ ғорурланыуын белдерҙе.

Белешмә; Ғәзиз Әлмөхәмәтов исемендәге республика гимназия-интернаты– 1943(ШИМВ) йылда асыла. Мәктәптең иң тәүге төп бурысы, Совет армияһына хәрби музыканттар әҙерләү. Гимназиянан сыҡҡан белгестәрҙең күбеһе үҙҙәрен сәнғәткә бағышлай һәм улар араһында киң билдәле музыканттар бар. Мәҫәлән, өс уҡыусыһы «СССР-ҙың күренекле музыканттарының Алфавит китабы»на индерелгән. Шулай уҡ башҡа өлкәлә лә уҡыусылары уңышлы эшләй. Бөгөнгө көндә гимназияла белем алыусы 340 уҡыусының да һәр береһе талантлы, һәләтле һәм сағыу булыуы менән айырылып тора. Улар араһында төрлө фәндәр буйынса олимпиада, фәнни-ғилми конференциялар, спорт ярыштары еңеүселәре, ҡала, республика, Рәсәй һәм халыҡ-ара конкурстар дипломанттары һәм лауреаттары бар.