Мәскәү өлкәһендә 1812 йылғы Ватан һуғышының 200 йыллығына арналған күләмле саралар үтте. Унда Башҡортостан делегацияһы ла ҡатнашты. «1 башҡорт атлы полкы» һәм «Өфө пехота полкы» хәрби-тарихи реконструкция клубтары ағзалары менән берлектә, киң мәғлүмәт саралары хеҙмәткәрҙәре һәм Хәрби Дан музейы белгестәре дәһшәтле һуғыш үткән яланды күрҙе. Француз һәм Рус ғәсҡәрҙәренең алышын һынландырған тарихи реконструкцияға тамаша ҡылды. 

Бородино һуғышында башын һалған башҡорт атлыларына һәйкәлгә сәскәләр һалына. Ике йыл элек урынлаштырылған монументҡа килеп, Ватан өсөн йәнен аямаған яугирҙәрҙе иҫкә алыу мөҡәддәс бурыс тип иҫәпләй Башҡортостан вәкилдәре. Шуға ла күләмле саралар башланыр алдынан уҡ стелаға сәскәләр һалыу сараһы ойошторолдо. 

Раевский батареяларында ҡаһармандарса башын һалған Өфө пехота полкы яугирҙәре лә иҫкә алынды. Әммә саралар бының менән генә сикләнмәне. Хәрби-тарихи реконструкция клубтары ағзалары ,,Бородино,, һуғышын һынландырған күләмле сараларҙа ҡатнашты. Ул 2 сәғәт самаһы дауам итте. Артилерия һәм Һыбайлылар менән берлектә майҙанға 3 меңдән ашыу кеше сыҡты. Төньяҡ 

Бородино һуғышындағы ваҡиғаларҙы тергеҙеү 1812 йылғы Ватан һуғышының 200 йыллығына арналаған саралар шәлкеменең бер өлөшө генә. Башҡорт атлылары һәм Өфө йәйәүлеләре киләһе йылда Лейпцигҡа, ә унан һуң Парижға сәфәр ҡылыр тигән ышаныс ҙур.

Илшат Үтәев фотолары

«Башҡортостандың мәҙәни донъяһы» порталы