Оҙаҡ йылдар ижади хеҙмәттәре һәм талантлы ролдәре менән республикабыҙҙың театр мәҙәниәтен үҫтереүгә булышлыҡ иткәндәре өсөн Мәжит Ғафури исемендәге Башҡорт дәүләт академия драма театрының бөр төркөм сәнғәт әһелдәре маҡтаулы исемдәргә лайыҡ булдылар:

Рафиҡова Гөлфиә Булат ҡыҙына «Башҡортостандың атҡаҙанған артисы», Ғафаров Азамат Фидан улына «Башҡортостандың халыҡ артисы», театрҙың рәссам-бутафоры Жучков Анатолий Викторовичҡа «Башҡортостандың атҡаҙанған мәҙәниәт хеҙмәткәре» исеме бирелде! Ҡотлайбыҙ!

Маҡтаулы исемдәр ҡотло, шатлыҡтар уртаҡ булһын, дуҫтар!

Киләсәктә лә Һеҙгә яңынан-яңы ижад үрҙәре, дәрт һәм илһам, сәләмәтлек, аҡ бәхеттәр теләйбеҙ!