Өфөнөң Дим районындағы 112-се башҡорт кавалерия дивизияһы музейында ошо исем аҫтында фотоһүрәттәр күргәҙмәһе асылды. Авторы- уҡытыусы Гөлсөм Хисмәтова. Әбйәлил районы Ташбулат ауылы мәктәбе уҡытыусыһы үҙ фотокамераһы обьективына гүзәл тәбиғәтте лә, балаларҙың көләс йөҙҙәрен дә, ғөмүмән, тормоштоң иң сағыу мәлдәрен тоторға тырышҡан. Музей мөдире Илүзә Ғәйнуллина әйтеүенсә, фотокүргәҙмә бер айҙан ашыу эшләйәсәк.