Реконструкция менән бергә ҡурсаҡ театрының 450 һәм 100 урынға иҫәпләнгән ике яңы тамашалар залы ла төҙөләсәк. Әлегә архитекторҙар иң яҡшы эштәре менән конкурста ҡатнаша. Заявкалар 10 декабргә тиклем ҡабул ителә, ә еңеүселәр 20-һендә иғлан ителәсәк, тип хәбәр итәләр театрҙан. Иң яҡшы эш авторына 100 мең һум премия ҡаралған. Башҡорт дәүләт ҡурсаҡ театры быйыл 80 йыллыҡ юбилейын билдәләне.