Яңы йыл байрамы бер ҡасан да Ҡыш бабайһыҙ үтмәй. Бына инде өс йөҙ йылға яҡын ул балалар һәм оло йәштәгеләргә лә иң көтөп алған Яңы йыл ҡунағы булып ҡала.
26 декабрҙә, «Өфө Арена» боҙ һарайының майҙанында, өфөлөләрҙе һәм баш ҡалабыҙ ҡунаҡтарын тәбрикләргә 800-гә яҡын Ҡыш бабай йыйылды. Йәштәр араһындағы хоккей буйынса донъя чемпионатына йыйылған ҡунаҡтар ҙа Ҡыш бабайҙарҙан ҡотлау һүҙе, яңы еңеүҙәргә өлгәшергә тигән теләк ишетте.
Һәр бер райондың командаһы үҙенә ҡарата сығыш әҙерләп, өфөлөләрҙе һәм ҡунаҡтарҙы шатландырҙы. Байрамға килгән Өфө ҡалаһының башлығы Ирек Ялалов был мауыҡтырғыс тамашаны үҙе асты, һәм Ҡыш бабайҙарға Яңы йыл менән ҡотлауҙарҙы башларға тигән бойороҡ бирҙе.
Ҡыш бабайҙарҙың парады Ленин урамы буйҙап “Нефтселәр” мәҙәниәте һарайына тиклем барҙы. Улар юлда осраған һәр бер кешегә, бигерәк тә балаларға үҙҙәренең бүләктәрен таратты.
Ҡыш бабайҙар парады Өфөлә бер нисә йыл элек башланып, хәҙер инде республика ҡала, райондарын да ла үткәрелә башланы. «Башҡортостандың мәҙәни донъяһы» порталы