Бөйөк Ватан һуғышының ауазы һаман тынмай, үҙен хәтерләтеп тора. Ошо көндәрҙә булып үткән ваҡиға ла бының бер миҫалы. Күгәрсен районы Түләбәй ауылында тыуып-үҫкән һалдат, Гайсин Латип Ғәҙелша улы 1941 йылда һуғышҡа алына, шул китеүҙән ул хәбәрһеҙ юғалған, тип иҫәпләнә. Уның ғаиләһе-ҡатыны һәм бер ҡыҙы ҡала. Сентябрь айында Стәрлетамаҡ ҡалаһының “Обелиск” эҙәрмән отряды Псков өлкәһе Себеж ҡалаһында Башҡортостан һалаттарының эҙҙәренә тап була, 170-се Стәрлетамаҡ уҡсылар дивизияһы һалдаттары араһында Ғайсин Латип Ғәҙелша улы ла табыла. Һалдатты Өфө ҡалаһының Көнъяҡ зыяратында тантаналы рәүештә ерләнеләр. Уның ҡатыны Фәриҙә инәй Айыухановаға һәм ҡыҙы, Венера Ибраһимоваға һалдаттың шәхси әйберҙәре тапшырылды.