Көндәр һыуыҡ, ҡыш ялҡытты, тиер күптәр. Әммә һәр миҙгелдең дә үҙ матурлығы, үҙ ҡиммәте. Был һүҙҙәрҙең хаҡ булыуын М.Ғафури исемендәге Башҡорт академия драма театры коллективы яҡшы иҫбатланы. Үткән шәмбе көнөндә академтеатрҙыҡылар «Лукошко» магазины коллективы менән берлектә «Динамо» һырғалағында төрлө уйындар, ярыштар уҙғарып, ҡыштың бер көнөн оло байрамға әйләндерҙе. Боҙҙа уҙышыу, үҙ коллективыңдың еңеүе өсөн рәхәтләнеп «сирләү», бергәләп һыуыҡта боҫрап торған сәй эсеү – ғинуар айын ослағанда иң ҙур бүләк түгелме ни? Шулар менән бергә, уйында еңеүселәрҙе миҙалдар, төрлө бүләктәр менән ҡыуандырҙы сараны ойоштороусылар.

 «Шоңҡар» журналы сайтынан