Башҡортостандың Милли музейында фоторәссам Фаил Әбсатаровтың 55 йәшлек юбилейы айҡанлы «Һоҡланғыс Башҡортостан» исемле фотокүргәҙмә асылды. Фаил Әбсатаров - талантлы фоторәссам. «Кеше. Ер. Йыһан» Бөтә Рәсәй фотоконкурсы премияһы лауреаты, «Рәсәйҙең иң оҫта фотографы» конкурсы еңеүсеһе. Сираттағы күргәҙмәлә авторҙың иң яҡшы эштәре тәҡдим ителгән. Ай аҙағына тиклем эшләйәсәк экспозицияла тәбиғәт, ябай кешеләрҙең йәшәйеше, көндәлек тормошо сағыла.