Ҡасим Дәүләткилдеев исемендәге республика сәнғәт интернат-гимназияһы донъяны, тормошто буяуҙарҙа сағылдырырға яратҡан һәләтле балаларҙы уҡырға саҡыра. 2013/2014 уҡыу йылына VI, VII, X синыфтарға уҡыусылар ҡабул итә. 

Гимназия бай тарихлы. Уға 1961 йылда нигеҙ һалына. Бында тырыш, талапсан коллектив тупланған. 

Гимназия уҡыусылары сәнғәт нигеҙҙәрен тәрәнәйтеп үҙләштереү менән бер рәттән, заман талаптарына яуап биргән кабинеттарҙа белем ала. 2 – 3 кешелек яҡты, иркен, йылы бүлмәләрҙә йәшәй. Көнөнә 5 тапҡыр яңы ҡорамалдар менән йыһазландырылған ашханала туҡлана, төрлө республика, халыҡ-ара конкурстарҙа әүҙем ҡатнаша. 

Дәрестән һуң, уҡыусыларҙың ижади һәләтен үҫтереү маҡсатында, гравюра, роспись, компьютер графикаһы, вокал, бейеү, театр түңәрәктәре, баскетбол, милли көрәш, айкидо секциялары, синыфтан тыш саралар ойошторола. 

Ҡабул итеү комиссияһы 24 – 25 июндә эшләй.