Башҡортостан Республикаһы Президенты ҡарамағындағы Балалар һәм үҫмерҙәр өсөн әҙәбиәт, сәнғәт өлкәһендәге Һәҙиә Дәүләтшина исемендәге дәүләт премияһы буйынса комиссия ( артабан — Комиссия) Башҡортостан Республикаһының Һәҙиә Дәүләтшина исемендәге Дәүләт премияһына (артабан — Премия) тәҡдим итеүгә 2012 йылдың 31 декабренә тиклем эштәр ҡабул итә.

Түбәндә эштәрҙе тапшырыу һәм документтарҙы тултырыу тәртибе баҫыла. 

Балалар һәм үҫмерҙәр өсөн әҙәбиәт, сәнғәт өлкәһендәге Һәҙиә Дәүләтшина исемендәге дәүләт премияһына эштәрҙе тапшырыу 

һәм документтарҙы тултырыу тәртибе

1.1. Башҡортостан Республикаһы Президентының 2005 йылдың 4 авгусындағы “Башҡортостан Республикаһының Балалар һәм үҫмерҙәр өсөн әҙәбиәт, сәнғәт өлкәһендәге Һәҙиә Дәүләтшина исемендәге дәүләт премияһын булдырыу тураһында”ғы 330-сы Указына ярашлы, әҙәбиәт һәм сәнғәт әҫәрҙәре ярҙамында йәш быуынды рухи-әхлаҡи һәм ватансылыҡ рухында тәрбиәләүгә ҙур өлөш индергән өсөн бер Премия тапшырыла. 

1.2. Эштәрҙе ҡабул иткәнгә тиклем кәмендә бер йыл алдан айырым китап булып баҫылып сыҡҡан, ваҡытлы матбуғатта баҫылған йәки башҡа юл менән халыҡҡа еткерелгән балалар һәм үҫмерҙәр өсөн әҙәбиәт, сәнғәт әҫәрҙәре конкурста ҡатнаша ала.

1.3. Бер үк эште башҡа дәүләт премияларына тәҡдим итеү менән бер ваҡытта ошо Премияға ла тәҡдим итеү тыйыла. 

1.4. Конкурстан үтмәгән эштәр Премияға тағы бер тапҡыр тәҡдим ителә ала. Был осраҡта документтар ҡайтанан тултырыла. 

1.5. Премия шәхси характерға эйә һәм бер дәғүәсегә генә бирелә. 

1.6. Дәғүә итеүселәр араһында лайыҡлылар табылмаһа, Премия бирелмәй.

1.7. Премия лауреаты Премия биреүгә биш йыл үткәс кенә ҡабаттан тәҡдим ителергә хоҡуҡлы. 

2.2. Эштәрҙе тәҡдим итеү тураһындағы ҡарар тәҡдим итеүсе ойошманың коллегиаль идара органы ултырышында ҡабул ителә. Коллегиаль орган ултырышы составының кәмендә өстән икеһе ҡатнашҡан осраҡта хоҡуҡи тип иҫәпләнә. Эште тәҡдим итеү тураһындағы ҡарар йәшерен тауыш биреү юлы менән ҡабул ителә һәм унда ҡатнашҡан кешеләрҙең кәмендә өстән икеһе тауыш бирһә, ҡабул ителгән тип иҫәпләнә. 

2.3. Комиссияға тапшырыла: 

1) тәҡдим итеүсе ойошма етәксеһенең ҡултамғаһы ҡуйылған Премияға эште тәҡдим итеү тураһындағы хат; 

2) тейешле иҫәп комиссияһы протоколы менән бергә тәҡдим итеүсе ойошманың коллегиаль органы ултырышы протоколынан күсермә; 

3) дәғүәсе тураһындағы мәғлүмәттәр; 

4) эштең ҡыҫҡаса йөкмәткеһе; 

5) эштең (китаптың, видеокассетаның һ.б.) ике данаһы. 

3.1. Документтар Комиссия тарафынан тәҡдим ителгән өлгөләргә ярашлы тултырылырға тейеш (өлгөләрҙе www.presidentrb.ru сайтында табырға мөмкин).

3.2. Премияға эште тәҡдим итеү тураһындағы хатта уның балалар һәм үҫмерҙәр өсөн айырым әһәмиәтен раҫлаған нигеҙҙәр һәм дәлилдәр килтерелергә тейеш. 

3.4. Ҡыҫҡаса йөкмәткелә (иң күбе бер бит) эштең атамаһы, авторҙың фамилияһы, тәҡдим итеүсе ойошманың тулы исеме, эштең ҡыҫҡаса йөкмәткеһе күрһәтелә.

3.5. Бөтә документтар ҙа компьютерҙа урыҫ телендә баҫылырға һәм хәҙерге әҙәби тел нормаларына тап килергә тейеш.

4. Документтар ҡабул итеү

4.1. Премияға документтар Комиссия тарафынан түбәндәге адрес буйынса ҡабул ителә: Өфө ҡалаһы, Туҡай урамы, 46, Башҡортостан Республикаһы Президенты Хакимиәте, 419-сы бүлмә. Белешмәләр өсөн телефондар: 280-80-75 йәки www.presidentrb.ru сайты.

4.2. Эштәрҙе тапшырыу һәм документтарҙы тултырыу тәртибенә тап килмәгән йәки почта аша ебәрелгән материалдар ҡаралмай.

Сығанаҡ: "Башҡортостан" гәзите