Унда республика Хөкүмәте, депутат корпусы, ижтимағи ойошмалар һәм киң мәғлүмәт сараларынан барлығы 18 кеше инде. Комиссия эшенә Президент хакимиәте етәксеһе Сергей Молчанов рәйеслек итәсәк. 

Һәҙиә Дәүләтшина исемендәге дәүләт премияһы 2005 йылдың 4 авгусында Башҡортостан Президенты Указы нигеҙендә булдырылғайны. Премия йәш быуынды әҙәбиәт һәм сәнғәт әҫәрҙәре ярҙамында рухи-әхләҡи һәм патриотик тәрбиә эшенә ҙур өлөш индерә. Конкурсҡа йыл дауамында айырым китап булып йәки ваҡытлы матбуғатта донъя күргән әҫәрҙәр ҡабул ителә.