Әхмәр Үтәбәев менән ижади осрашыу үтә
Бөгөн Әхмәтзәки Вәлиди исемендәге Милли китапханала танылған яҙыусы һәм журналист Әхмәр Үтәбәев менән ижади осрашыу үтә.
Сарала әҙиптең ҡәләмдәштәре, студенттар һәм уның ижадын үҙ итеүселәр ҡатнашасаҡ.
Әхмәр Үтәбәев – шағир, яҙыусы, журналист, Шәһит Хоҙайбирҙин, Батыр Вәлид исемендәге премиялар лауреаты, БР-ҙың атҡаҙанған мәҙәниәт хеҙмәткәре. Әлеге көндә ул «Ағиҙел» журналында баш мөхәррир урынбаҫары булып хеҙмәт итә.
Әҙәби кисә китапхананың башҡорт әҙәбиәте һәм тыуған яҡты өйрәнеү бүлегендә үтә. Башлана 16.00 сәғәттә.
