«Әсә» фильмы 2014 йылда БР Президентының 5 млн. грантына лайыҡ булды. «Саҡ менән Суҡ» эпосы мотивтары буйынса төшөрөлгән киноның сценарий авторы драматург, яҙыусы Шәүрә Шәкүрова. Төп ролдәрҙә игеҙәктәр Айгиз һәм Нургиз Такаловтар, актер һәм режиссер Азат Йыһаншин, М.Ғафури ис. Башҡорт дәүләт академияһы актрисаһы Юлиә Ғәләүетдинова, телевидение алып барыусыһы Ғәлиә Вәхитова. Нәфис фильмдың рәссамы – Айгөл Байрамғолова, операторы – Анна Рожецкая ( Санкт-Петербург), композиторы – Каил Абдуллин.

Йәш режиссерҙың ижад емешен «Родина» кинотеатрында ҡарарға була. Шулай уҡ Баймаҡ, Белорет, Октябрьский, Сибай, Стәрлетамаҡ ҡалаларында йәшәүселәр ҙә фильм менән танышасаҡтар. Продюсер Фәнил Ғәлимов әйтеүенсә, картина Өфөлә аҙна буйына иртәнге һәм киске сәғәттәрҙә күрһәтеләсәк. Әгәр ҙә ихтияж булһа, ваҡытын оҙайтасаҡтар.