Билдәле әҙибә, Башҡортостандың халыҡ яҙыусыһы, Республиканың Салауат Юлаев исемендәге Дәүләт премияһы лауреаты Зәйнәб Биишеваның тыуыуына 105 йыл. Ошо уңайҙан Зәки Вәлиди исемендәге милли китапханала яҙыусының күргәҙмәһе асылды.
Унда Зәйнәб Биишеваның төрлө телдәрҙә нәшер ителгән китаптары һәм яҙыусының тормошо, ижады тураһындағы хеҙмәттәр менән танышырға мөмкин. Зәйнәб Биишева «Кәмһетелгәндәр», «Оло Эйек буйында», «Емеш» романдарынан торған «Яҡтыға» трилогияһы, «Сәйер кеше», «Дуҫ булайыҡ» һәм башҡа күп һанлы әҫәрҙәре менән уҡыусылар күңелендә үҙ урынын тапҡан. Республикала булдырылған «Башҡортостандың халыҡ яҙыусыһы» исеме иң беренсе булып тап Зәйнәб Биишеваға тапшырыла. Сығанаҡ: «Ашҡаҙар»