Әҙәби-музыкаль кисә үтәсәк
16 май 17.00 сәғәттә Әхмәтзәки Вәлиди исемендәге Милли китапхананың 2-се корпусында (Октябрь революцияһы урамы, 10) Булат Окуджаваның тыуыуына 90 йыл тулыу айҡанлы әҙәби-музыкаль кисә үтә.
Булат Окуджава – шағир, прозаик, композитор, автор башҡарыусы. Кисәлә авторҙың «Ах, Арбат, мой Арбат», «Живописцы», «Часовые любви», «Дежурный по апрелю», «Ваше благородие, госпожа Удача» кеүек киң билдәле йырҙары яңғыраясаҡ. Уларҙы «Аҡ ҡарға» автор йыры клубы ағзалары башҡарасаҡ.
Инеү бушлай. Рәхим итегеҙ!