Баймаҡта китаптар күргәҙмәһе 10 февралдә уҙа. Нәшриәт хеҙмәткәрҙәре Баймаҡ районында Әҙәбиәт йылын асыу тантанаһында ҡатнашасаҡ. Сара сиктәрендә 2014 йылда донъя күргән «Хөкүмәт рәйесе. Зекериә Аҡназаров» китабының исем туйы үтәсәк. 11 февралдә Әбйәлил районының Асҡар һәм Баймаҡ районының Темәс ауылдары халҡы яңы сыҡҡан китаптар менән танышасаҡ. 12 февралдә Бөрйән районы Иҫке Собханғол ауылының мәҙәниәт йорто фойеһында китап продукцияһы сауҙа күргәҙмәһе ойошторола. Унда Мостай Кәримдең, Ноғман Мусиндың әҫәрҙәре, «Йәш тауыштар» серияһынан китаптар, балалар баҫмалары тәҡдим ителәсәк.