5-се февралдә, Өфөгә, Башҡортостан мәҙәниәт министрлығы саҡырыуы буйынса, күренекле яҙыусы, драматург Азат Хаммат улы Абдуллин килде. «Ун өсөнсө председатель» пьесаһы авторының килеүенең сәбәбе: күренекле бейеүсе Р. Нуриев тураһында «Нездешний сад» пьесаһы буйынса спектакль ҡуйыу.
Азат Абдуллин үҙенең ижад ғүмерендә күп кенә пьесалар яҙа, улар араһында авторға донъя кимәлендә дан килтергән «Ун өсөнсө председатель» пьесаһы буйынса ҡуйылған спектаклдәр илдең 114 театрында сәхнәләштерелгән, шулай уҡ 35 Европа һәм бөтә донъя театрҙарында ҡуйылған.
Азат Абдуллиндың «Нездешний сад» пьесаһы яҙылғас, күренекле режиссер Романт Виктюк уны сәхнәләштерергә була һәм үҙ маҡсатына ирешә.
- Спектаклдә Нуриевтың әсәһе, улы Францияға сығып киткәндән бирле уның менән аралашмауы, ул менән әсә араһында юғалған бәйләнештәр тураһында өҙөктәр сәхнәләштерелмәүе - был миндә ҙур ҡыҙғаныс тыуҙыра, – ти А. Абдуллин. Роман Виктюк исемендәге театр үҙенең гастролдәрен Өфөлә 8-се февралдә башлай. «Башҡортостандың мәҙәни донъяһы» порталы