Бөгөн Өфөлә Рәсәй Федерацияһындағы Австрия илселегенең мәҙәниәт атташеһы Симон Мраздың визиты дауам итә. Симон Мраздың визит программаһында Башҡортостан мәҙәниәт министры Ә.И. Шәфикова һәм республиканың мәҙәниәт учреждениелары етәкселәре менән осрашыу ҡаралған. Был осрашыуҙарҙа Австрия менән Башҡортостан араһындағы мәҙәни хеҙмәттәшлек үҫеү тураһында һүҙ алып барыласаҡ. Осрашыу Башҡорт дәүләт опера һәм балет театрында үтәсәк. Шулай уҡ Симон Мраздың Өфөгә килеү программаһында Башҡортостан Республикаһының Милли, М.В. Нестеров исемендәге Башҡорт дәүләт художество музейҙарының күргәҙмәләре менән танышыу ҡаралған. Симон Мраз шулай уҡ Өфөнөң мәҙәниәт тарихы, ҡаланың мәҙәни ҡомартҡылары менән танышасаҡ. Кисен М. Кәрим исмендәге милли йәштәр театрында уның спектакль ҡарауы ла күҙ уңында тотола. «Башҡортостандың мәҙәни донъяһы» порталы