2013 йыл республика өсөн ике билдәле шәхестең юбилейы менән әһәмиәтле. 13 февраль бөйөк йырсы Федор Шаляпиндың тыуыуына 140, 17 март ХХ быуаттың күренекле бейеүсеһе Рудольф Нуриевҡа – 75 йыл. Улар икеһе лә ижади башланғыстарын Өфө сәхнәләрендә башлаған.
17 март Башҡорт дәүләт опера һәм балет театрында үтәсәк Х.Левенсхольдың «Сильфида» балеты Р.Нуриевҡа бағышланасаҡ. Ә 17 апрель Рудольф Нуриев исемендәге XIX Халыҡ-ара балет сәнғәте фестивале башлана. Концертты бөйөк шәхестең исемен йөрөткән Башҡорт хореография колледжы студенттары асасаҡ.
18–19 апрель Лилиан Кози труппаһы гастролдәре (Италия).
20 апрель Л.Минкустың «Баядерка» балеты ҡуйыла.
21 апрель ике бүлекле балет байрамы көтөлә: бер актлы «Эдит Пиаф: бер нәмәгә лә үкенмәйем» Рус камера балеты башҡарыуында һәм Халыҡ-ара конкурстың лауреаттары ҡатнашлығында гала-концерт.
22 апрель Л.Минкустың «Дон-Кихот» балеты, бейеү ҡуйыусылары М.Петип һәм А.Горской, Ю.Григорович сәхнәләштереүендә.
23 апрель классик балет өлгөһө – «Жизель» ҡуйыла.
24 апрель – фестивалде ябыу тантанаһы, Гала-концерт. Автор: Ләйлә Ишморатова, БР Мәҙәниәт министрлығының мәғлүмәт хеҙмәткәре.