25-се ғинуарҙа Башҡортостан Республикаһының Милли музейында «Инопланетяндар бар» тигән күргәҙмә асыла.
Выставканы ойоштороусы Лариса Ким әйтеүенсә, әлеге көндә был Рәсәйҙә, научно-популяр күргәҙмәләр араһында берҙән-бер күргәҙмә: «Беҙ уның экспонаттарын ярты йылға яҡын йыйҙыҡ».
Күргәҙмәгә килгән балалар «Люди в черном», «ЕТ» тип аталған киноларҙы, шулай уҡ осоп йөрөгән тарилкәләрҙе күптән телевизор экрандары аша күреп өлгөрһә лә, уларҙың геройҙары балалар араһында ҙур ҡыҙыҡһыныу тыуҙыра. Экспонаттар ысынлап та ғәжәп ҡыҙыҡлы - ҡайһы бер ике метр бейеклектәге экспонаттар үҙ аяҡтары менән йөрөй ҙә ала. Уларҙың күҙҙәре лә, беҙ күргән киноларҙағы һымаҡ янып-һүнеп тора.
Шулай уҡ күргәҙмәлә бер нисә экспонат үткән быуаттарҙа инопланетяндарҙың ер шарында «ҡунаҡ» булғанлығы тураһында һөйләй.
Билет хаҡы ололар өсөн 200 һум тора, балаларға, студенттарға һәм пенсионерҙарға 150 һум менән һатыу ҡаралған.
Күргәҙмә 31-се мартҡа тиклем дауам итәсәк. «Башҡортостандың мәҙәни донъяһы» порталы