Финал 20 октябрҙә Нур татар дәүләт драма театрында үтәсәк. Өфө хакимиәтенән хәбәр итеүҙәренсә, гран-при өсөн 7 ғаилә көрәшә, улар район конкурстарында еңеү яулаған. Сара «Имен баласаҡ һәм ғаилә ҡиммәттәрен нығытыу» йылына арнала. Финалда ғаиләләр үҙҙәре менән таныштыра, йыр һәм бейеү оҫталыҡтарын күрһәтә, ҡул эштәренән күргәҙмә әҙерләй һәм аш-һыу бешереү серҙәре менән уртаҡлаша. Ҡала конкурсында еңеү яулаған ғаилә Республика конкурсында ҡатнашыу хоҡуғы ала.