«Йәшлек шоу-2012» Республика йәштәр фестиваленең гала-концерты 15 декабрҙә Өфөнөң Конгресс-холында үтәсәк. Был турала беҙгә Республика халыҡ ижады үҙәге хәбәр итте.
Концертта егерменән ашыу конкурсант сығыш яһаясаҡ. Улар араһында Хайбулла, Әбйәлил райондарынан һәм Өфө, Ишембай, Стәрлетамаҡ, Баймаҡ, Учалы ҡалаларынан ҡатнашыусылар бар.
Сәхнәгә беренсе тапҡыр сығыусылар менән бер рәттә әлеге көндә танылған яҡташтарыбыҙ ҙа сығыш яһаясаҡ. Улар араһында Сәғиҙулла Байегет, Радик Юлъяҡшин, Роберт Юлдашев, Урал Иҙелбаев, «Карауанһарай», «Шау-шоу», «Дарман», «Һомай» төркөмдәре һәм башҡалар.
Еңеүселәрҙе махсус приздар көтә. «Башҡортостандың мәҙәни донъяһы» порталы