Күренекле композиторҙың вафат булыуына быйыл 15 йыл тула, 18-се ғинуарҙа Сергей Аксаковтың музей йортонда ошо датаға арналған мәҙәни кисә үтәсәк.
Башҡортостандағы Свиридов фондының ағзаһы Анатолий Крюковтың әйтеүе буйынса, был көндө Сергей Аксаковтың музей йортонда танылған рус композиторы иҫтәлегенә арналған күргәҙмә асыласаҡ. Күргәҙмәнән башҡа, композиторҙың ижадын һөйөүселәр Георгий Свиридовтың Бирск ҡалаһында йәшәгән осоро тураһында мәғлүмәттәр менән таныша аласаҡ. Хәтер кисәһен ойоштороусылар әйтеүе буйынса, ошо көндө Башҡорт дәүләт филармонияһы артистары ҡатнашлығында концерт үтәсәк. Шулай уҡ, В. Йомағолованың «Никольский храмында Свиридов кисәләре» тигән фильм күрһәтеләсәк. Инеү бушлай. «Башҡортостандың мәҙәни донъяһы» порталы