2 апрель 11.00 сәғәттә «Башинформ » мәғлүмәт агенствоһында Будда Стретч исеме аҫтында сығыш яһаған бейеүсе Эмилио Остин ҡатнашлығында пресс-конференция була. 45 йәшлек билдәле хореограф Өфөгә Наркотиктар әйләнешен контролдә тотоу РФ федераль хеҙмәттең Башҡортостан буйынса идаралығы саҡырыуына ярашлы «Йондоҙҙар наркотиктарға ҡаршы» акцияһы сиктәрендә заман бейеүҙәре буйынса мастер-класс үткәрергә килә.

Эмилио Остин бөтә донъяға билдәле йырсыларға бейеүҙәр ҡуйыусы, улар араһында Майкл Джексон, Уитни Хьюстон, Мэрайа Кэри, Дайана Росс, шулай уҡ күптәрҙең кумиры булған актер Уилл Смитҡа «Люди в черном» фильмы өсөн махсус хәрәкәттәр авторы ла ул.

Наркотиктар әйләнешен контролдә тотоу РФ федераль хеҙмәттең Башҡортостан буйынса идаралығының мәғлүмәт хеҙмәте әйтеүенсә, билдәле хореографты йәштәр араһында бейеү сәнғәтен популярлаштырыу маҡсатында саҡырғандар. Үрҙә әйтелгән акция сиктәрендә Земфира, Юрий Шевчук, Максим Чудов, Борис Гребенщиков, Александр Розенбаум, Максим кеүек билдәле шәхестәр ҡатнашҡан да инде.

Сығанаҡ: Башинформ мәғлүмәт хеҙмәте