Өфөлә Наурыҙ байрамы үтә
21 март 13.00 сәғәттә Аксаков исемендәге баҡсала Республика “Наурыҙ ” байрамы үтәсәк. Уны БР Мәҙәниәт министрлығы һәм БР Халыҡтар дуҫлығы йорто уҙғара.
Наурыҙ байрамы көн менән төн тигеҙләшкән көндө башлана ла ай ахырына тиклем һуҙыла. Уны халыҡта Яңы йыл башы тип тә йөрөтәләр.
Наурыҙ тыуған көндө һәр өйҙә һый әҙерләнә, милли кейемдәр кейәләр, милли уйындар, бәйгеләр үткәрелә.
Байрам сараһында БР Халыҡтар дуҫлығы йортоноң бөтә милли-мәҙәни ойошмалары ҡатнашасаҡ. Концерт номерҙары, милли кухнянан ризыҡтар күргәҙмәһе ойоштороу ҡаралған.
