15–19 апрель Өфөлә немец мәҙәниәте көндәре үтә. Матур байрамды Немец киноһы аҙналығы асып ебәрҙе. Уның ойоштороусылары Ә.-З.Вәлиди исемендәге Милли китапхананың немец уҡыу залы, Гете институты (Мәскәү), Hallo Deutsch немец телен өйрәнеү үҙәге. Аҙна буйына Өфө халҡы төрлө жанрҙағы иң яҡшы картиналарҙы ҡарай аласаҡ.

Мәҙәниәт көндәрен Германиянан килгән лекторҙарҙың мастер-кластары дауам итәсәк: 17 апрель 14.00 сәғәттә Ә.-З.Вәлиди исемендәге Милли китапхананың немец уҡыу залында (Октябрь революцияһы урамы, 10) «Әҙәби кафе» шиғырҙарға арналған мастер-класы үтәсәк. Уны Сенте Дрюке немец телендә үткәрә.

19 апрель 10.00 сәғәттә шунда уҡ илде өйрәнеү һәм мәҙәниәттәр аралашыуының проблемаларына арналған мастер-класс үтә. Референт – Тобиас Бэрманн.

Был сараларға немец телен өйрәнеүсе студенттар, уҡытыусылар саҡырыла.