Шаршамбы, 29 февралдә, «Китап» нәшриәтенең фирма магазинында (Октябрь проспекты, 2) билдәле ҡумыҙсы Роберт Заһретдинов менән осрашыу үтәсәк. Автор «Башҡорт өзләүе мәктәбе» китабының презентацияһын үткәрәсәк, бынан һуң башҡорт өзләүе тураһында һөйләйәсәк.

Роберт Заһретдинов – Салауат Юлаев исемендәге дәүләт премияһы лауреаты, Рәсәй Федерацияһының һәм Башҡортостан Республикаһының атҡаҙанған мәҙәниәт хеҙмәткәре, РФ һәм РБ мәғариф отличнигы, халыҡ-ара өзләү фестивалдәрендә еңеүсе, «Донъяның виртуоз ҡумыҙсыһы» халыҡ-ара конкурсында биш тапҡыр лауреат исемен яулаусы. «Ҡумыҙҙа уйнау мәктәбе» китабы өсөн Д.Сорос исемендәге халыҡ-ара премияға лайыҡ булды.

Сара 16.00 сәғәттә башлана.

Сығанаҡ: «Башинформ» МА