Өфөлә Өфө ҡалаһы ҡала округы хакимиәтенең Йәштәр сәйәсәте буйынса комитеты менән берлектә ҡаланың Йәштәрҙе ватансылыҡ рухында тәрбиәләү үҙәге менән ойошторолған «Тыуған ер батырҙары» патриотик йырҙар конкурсы үтәсәк.

Унда 12-30 йәштәге башҡарыусылар (коллектив-ансамблдәр) ҡатнаша ала. Өс йәш төркөмө билдәләнгән: 12 — 14; 15 — 17; 18 — 30 йәштәгеләр.

Түбәндә тәҡдим ителгән тематика буйынса әҫәрҙәр башҡарыу ҡаралған: Ватан һаҡсыларының ҡаһарманлығын һәм хәрби хеҙмәтен пропагандалаусы йырҙар; Рәсәй, Башҡортостан Республикаһы, Өфө ҡалаһы тураһындағы йырҙар; дуҫлыҡ һәм тыныслыҡ тураһындағы йырҙар.

Ойоштороусылаҙың хәбәр итеүеҙсә, концерт программаһы ике этаптан – конкурстан һәм гала-концерттан тора. Конкурсанттарҙың ниндәй сиратта сығыш яһауын жюри билдәләй.

Конкурста ҡатнашыуға заявкалар 5 апрелгә тиклем Октябрь проспекты, 118 (26, 28-се бүлмә) адресы буйынса ҡабул ителә, тел. 279-06-60.