Ҡаланың матур бер биҙәге буласаҡ фонтандың үҙәгендә башҡорт халыҡ легендаһына нигеҙләнеп бронзанан эшләнгән скульптура композицияһы урынлашасаҡ. Ете ҡыҙ һынының бейеклеге 2 метр, был композицияның алыҫтан да күренеүенә булышлыҡ итәсәк. Әйткәндәй, ете ҡыҙ һыны Фәйзи Ғәскәров исемендәге Дәүләт академия халыҡ бейеүҙәре ансамбле бейеүселәренә ҡарап эшләнелгән. «Ете ҡыҙ» фонтаны ҡалала иң ҙуры һәм музыкаль буласаҡ.